525351868

臺中市私立卡帕幼兒園

(上學期)本士語文課程教材

8月

數數

三隻豬

備註

一隻魚、二隻雞、三欉樹丫四蕊花、五粒蘋果、六條菜瓜、七塊餅、八塊粿、九枝筆、寫十本冊。

三隻豬 有支鼻，

六蕊目睭六塊耳，跌一倒，

十二隻腳翹上天

9月

月娘

月娘

月娘圓，月娘光，

照著我的窗仔門，

照著我的紅眠床，

月娘光，月娘圓，佇天邊，

惦惦陪我過一暝

月娘，月娘，月阿姨，

是我嘸小心用手指，

請你千萬麥生氣，

嘸通攑刀割我雙爿耳。

10月

台灣果子

台中市

台灣好 台灣好，台灣果子上蓋好，芎蕉芳、王梨甜，

西瓜、檨仔、水蜜桃，

人人食了攏呵咾。

中部大城台中市，

落南上北攏便利

王梨酥與太陽餅，

兩項攏總真出名

11月

水蛙仔子

老猴

水蛙仔子、呱呱呱，
伊出世嘛是肚大大，
田中央，起厝滯，
無人教伊會唱歌。

老猴是老猴，

鼻水雙港流，

褲腳畢起來到褲頭。

12月

聖誕老人

冬節

北風呼呼吹，誰人從這過

聖誕老丫伯，禮物揹一袋

也有運動鞋，也有尪仔冊

也有糖仔尬番麥，實在有夠濟

緊來提緊來提，一人有一個

樓頂樓下厝邊頭尾，

大家歡喜作夥

也唱歌，也泡茶，也有講笑魁

尚重要的就要感謝聖誕老丫伯。

冬節食圓仔湯，

冬節搓暝上長，

圓仔搓圓圓，

圓仔湯煮甜甜。

1月

十二生肖

甜粿

一鼠做頭名，二牛駛犁兄，

三虎爬山崎，四兔遊京城

五龍皇帝命，六蛇讓人驚，

七馬跑兵營，八羊食草嶺，

九猴爬樹頭，十雞啼三聲，,

十一狗顧門埕，十二豬真好命。

甜粿硩（壓）年，

發粿發錢，

包仔粿包金，

菜頭粿食點心。

2月

元宵節之歌

好朋友

備註

正月十五 上元節

也是元宵眠 敬拜祖先

保庇後代平安  平安萬萬年

龍山寺 看花燈

囝仔吃圓香火圓

媽祖廟 猜燈謎

獎品大碗個滿意

鹽水放蜂炮  平溪放天燈

弄龍弄獅 弄龍弄獅

人人歡喜 人人歡喜  小過年

好朋友 手牽手

咱來去公園幌韆鞦

莫相搶 愛相讓

咱是好朋友作伙手牽手

好朋友 手牽手

咱來去公園幌韆鞦

跤直直 跤勼勼

咱是好朋友作伙手牽手

好朋友 手牽手

好朋友咱來摃棒球

你投手 我接球

咱是好朋友作伙手牽手

3月

春天佇佗位

香蕉

春天佇陀位 我去問花蕊

花蕊講伊才睏醒 叫我去問露水

春天佇陀位 我去問露水

露水講伊咧曝日 叫我問白翎鷥

春天佇陀位 我問白翎鷥

白翎鷥講水牛咧等伊

叫我去問貓咪

春天佇陀位 我去問貓咪

貓咪一直哈唏 續咧擱洗臉

叫我去問阿弟

春天佇陀位 我去問阿弟

阿弟目睭笑微微

原來春天佇遮覕

香蕉叢，秀球紅，

開花花二十一，

二五六，二五七，

二八二九三十一

4月

田嬰

羞  羞  羞

田嬰田嬰扣扣飛，

你到底要飛去哪

這停一下，那停一下

害我猜來猜去猜來猜去憨憨旋。

田嬰田嬰牙牙飛，

你敢是真愛飛，

這位親一下，那位親一下，

一點都眛驚歹勢。

羞羞羞

摜籃子 

撿泥鰍  

撿幾尾 

撿兩尾 

一尾煮來吃 

一尾糊目賙

5月

台灣果子

媽媽你是我的最愛

台灣好，台灣好，

台灣果子上蓋好，

芎蕉芳、王梨甜，西瓜、檨仔、水蜜桃，人人食了攏呵咾。

作者林心智

嬰仔的時代，

佇妳腹肚內，

媽媽妳是我的世界。

自細漢以來，

佇我心肝內，

媽媽妳是我的最愛!

6月

蟲蟲歌

肉粽節

蜜蜂 蜜蜂 愛食蜜       

蝴蝶 蝴蝶 尚愛娞

胡蠅 胡蠅 尚貪甜       

虫蒙仔 虫蒙仔 愛口束血

蜘蛛 蜘蛛 會牽絲       

蚼蟻 蚼蟻 會扛物

五月節 肉粽節

阿嬤ㄟ肉粽尚親切

竹仔葉 包肉粽

燒燒來食上蓋香

7月

丟丟銅仔

搖籃曲

火車行到伊都阿末伊都丟　

唉唷磅空內  磅空的水伊都丟丟

銅仔伊都阿末伊都　丟仔伊都滴落來

嬰仔嬰嬰睏，一眠大一寸，

嬰仔嬰嬰惜，一眠大一尺，

搖兒日落山，抱子金金看，

子是阮心肝，驚你受風寒。